У студзенi 2017 у дзяржаўнай установе адукацыі «Дашкольны цэнтр развіцця дзіцяці № 3 г.Магілёва» выхаванцаў старэйшых груп знаёмілі з цікавай і вельмі важнай для краіны прафесіяй — прафесіяй навукоўца. У пачатку Года навукі дзецi даведаліся, чаму праца вучоных з’яўляецца такой каштоўнай для кожнага з нас, даведаліся, у якіх сферах працуюць навукоўцы. Аб дасягненнях беларускай навукі дзяцей пазнаёмілі на роднай беларускай мове.

У дзяцей была магчымасць паглядзець у тэлескоп на зоркі (позні світанак і чыстае, марознае студзеньскае неба гэтаму спрыялі). Касмічныя далі, у якіх працуе наш, беларускі спадарожнік, сталі крыху бліжэйшымi. А таксама зазірнулі ў мінулае, пазнаёміўшыся з яго артэфактамі. Дашкольную ўстанову наведалі работнікі краязнаўчага музея з цікавай экспазіцыяй на тэму археалогii. Аказваецца, што навука аб мінулым так бывае неабходна ў сучасным!

Абудзіць у дзяцей жывую цікавасць да навакольнага свету, імкненне пазнаваць яго і даследаваць — важная задача для дарослых. З гэтага і пачынаецца шлях у навуку.

Намеснiк загадчыка
па асноунай дзейнасцi Н.I.Шабуня