Якая прыгожая, міла¬гучная, мяккая і ў той жа час яскравая, звонкая, моцная, поўная наша мова. На гэтай мове размаўлялі нашы дзяды і прадзеды. Толькі гэтую мову мы можам назваць роднай, бо гэта мова нашай зямлі.

Пачуць беларускую мову сёння не так проста, таму задача педагогаў — даць магчымасць маленькім грамадзянам дакрануцца ды вытокаў мовы дзядоў.

У дзяржаўнай установе адукацыі «Яслі-сад № 4 г. Магілёва» прайшоў тыдзень пад назвай «Тыдзень роднай мовы!»
У рамках тыдня былі праведзены адкрытыя заняткі і розныя мерапрыемствы.

Дзеці сталі ўдзельнікамі: славеснай гульні «Я беларус і гэтым ганаруся», гульні — віктарыны «Беларусь — мая краіна », «Што я ведаю аб прыродзе сваёй краіны», чыталі вершы на беларускай мове, адгадвалі загадкі, гулялі ў беларускія гульні.

Усе мерапрыемствы прайшлі на высокім метадычным ўзроўні з выкарыстаннем інфармацыйных педагагічных тэхналогій.

Выхаванцы атрымалі шмат станоўчых эмоцый, даведаліся шмат цікавага. Правядзенне такіх заняткаў спрыяе павышэнню цікавасці дзяцей да нацыянальнай культуры, выхоўвае ў дзяцей любоў і павагу да роднай мовы, да сваёй краіны.

Дык будзем з замiлаваннем услухоўвацца ў нашу мову, разам вучыцца мове, далучацца да невычэрпных крынiц беларускай лiтаратуры, мастацтва, гiсторыі роднага краю.

Намеснік загадчыка па асноўнай дзейнасці Н.Ю.Карпекіна