Родная мова з`яўляецца найвайжнейшым сродкам развіцця асобы дзіцяці, першай крыніцай, праз якую мы пазнаём жыццё і навакольны свет.

06.04. 2017 г. ўдзяржаўнай установе адукацыі «Яслі-сад № 91 г.Магілёва» адбыўся беларускамоўны дзень, на працягу якога ўсе супрацоўнікі размаўлялі на беларускай мове.

Выхавацелі выкарыстоўвалі розныя віды дзіцячай дзейнасці ў рабоце з выхаванцамі. Так былі арганізаваны і праведзены: гутарка «Беларуская народная творчасць», «Беларусь на карце свету»; дыдактычныя гульні «Мая Беларусь», «Назаві па-беларуску». У рухомых гульнях «Капялюш», «Гарлачык» выхавацелі з дзецьмі пры выконванні рухаў замацоўвалі вымаўленне беларускіх слоў.

Выхавацелі пазнаёмілі выхаванцаў з беларускімі народнымі казкамі «Коцік, пеўнік і лісіца» , "Лісіца-хітрыца«,пры гэтым звярталі ўвагу на беларускую кніжную графіку, дзеці самастойна разглядвалі кнігі, часопіс «Вясёлка».

На спецыяльна арганізаваных занятках па развіццю маўлення «Народныя промыслы Беларусі» , на маляванні «Беларускі арнамент» дзеці пазнаёміліся з вырабамі з гліны, саломкі, упрыгожвалі рушнікі беларускім арнаментам.

Бацькі і супрацоўнікі зацікаўлены ў далучэнні да роднага слова, да адраджэння беларускага маўлення, беларускіх традыцый.

Пруднікава Л.Н., намеснік загадчыка па асноўнай дзейнасці дзяржаўнай установы адукацыі «Яслі —сад № 91 г. Магілёва»