Адным з прыярытэтных напрамкаў у працы дзяржаўнай установы адукацыі «Яслі-сад № 98 г.Магiлёва» з’яўляецца тэатралізаваная дзейнасць. Тэатралізаваная гульня прывівае дашкольнікам устойлівую цікавасць да роднай культуры, літаратуры, тэатру, выхоўвае любоў, павагу да беларускай мовы, эстэтычны густ.

Беларускі народны тэатр Батлейка з’яўляецца адным з старажытных відаў беларускага мастацтва і карыстаецца ў дзяцей нязменнай любоўю. Дашкольнікі з захапленнем абыгрываюць знаёмыя беларускія казкі на роднай мове, пераўвасабляюцца ў упадабаны вобраз.

Галоўнай асобай Батлейкі з’яўляецца лялечнік і яго трупа. Яны знаходзяцца за Батлейкай, кіруюць і агучваюць лялек.

У сваіх тэатральных пастаноўках мы выкарыстоўваем тантамарэскі, плоскія лялькі на стрыжні. Нашы спектаклі такія, як: «Каза-манюка», «Коцік, пеўнік і лісіца», «Каток — залаты лабок», Лёгкі хлеб«, «Селянін, мядзведзь і лісіца», карыстаюцца вялікай папулярнасцю ў маленькіх гледачоў.

Так, 04 мая 2017 года у дзяржаўнай установе адукацыі «Яслі-сад № 98 г.Магiлёва» адбылася прэм’ера беларускай народнай казкі «Хвядос і яго жонка». Дзеці вельмі старанна падрыхтоўваліся к першаму паказу. Яны з захапленнем пераваўсабляліся ў вобразы дзеячых асаб. Ролю апавядальніцы выконвала выхавальнік Пузікава В.М. На працягу ўсяго спяктаклю гучала фальклорная музыка ў выкананні музычных кіраўнікоў Івановай Н.І. (скрыпка) і Піскуновай Т.А. (баян).

Праз тэатр спасцігаецца душа, мудрасць, гумар, таленавітасць, майстэрства беларускага народа. Батлейка — гэта народны лялечны тэатр, гэта наша народная спадчына, наша права на будучыню.

Музычны кiраўнiк дзяржаўнай установы
адукацыi «Яслі-сад № 98 г.Магiлёва»: Н.I. Iванова