Вядомыя, знакамітыя людзі нашай малой Радзімы... Іх шмат і кожны вядомы па-свойму. У кожнага свая пуцяводная зорка, якая вызначае тое, да чаго ён імкнецца. Нашым выхаванцам і педагогам пашчасціла пазнаёміцца з дзіўным чалавекам, уклад якога будзе ацэньваць яшчэ ніадно пакаленне жыхароў нашага горада. Георгій Маліноўскі — знакамітая ў Магілёве асоба, ганаровы грамадзянін горада, дырэктар агралесатэхнічнага каледжа, а таксама чалавек, які падараваў магілёўцам заасад.

У час сустрэчы Георгій Мікалаевіч паказаў, тое, што ўжо здолеў рэалізаваць у жыццё і распавёў пра свае планы і задумкі.Зараз у планах Георгія Мікалаевіча Маліноўскага — пабудаваць канатную дарогу ў заасадзе, акіянарыум — "Музей рыб",аднавіць нямецкі дот, сабраць ваенную тэхніку часоў Вялікай Айчыннай вайны, рэканструяваць музей КанстанцінаСіманава.
Ганарымся тым, што такія людзі жывуць побач з намі. З нецярпеннем будзем чакаць новых сустрэч.

Намеснік загадчыка па асноўнай дзейнасці Наталля Уладзіміраўна Калачова