У ДУА «Дашкольны цэнтр развіцця дзіцяці № 3 г. Магілёва» ў дзень беларускага маўлення выхаванцы знаёміліся са словамі, якімі можна перадаць добрыя пачуцці і добрыя адносіны да родных і дарагіх людзей.

Гэта так важна ўмець шчыра казаць добрыя, сардэчныя словы, словы шчырасці і душэўнай цеплыні! Слова, сказанае ад сэрца, здольна ўсяліць у чалавека ўпэўненасць, здольна ашчаслівіць, зрабіць жыццё светлым і радасным. Педагогi выхоўваюць у дзяцей любоў i павагу да роднага слова, фармiруюць чуйнасць да моўных норм i сродкаў выразнасцi, развiваюць адпаведную моўную здольнасць.Згадзіцеся, што па-беларуску словы прызнання гучаць асабліва ласкава, трапляюць прама ў сэрца, кранаюць душу: «сонейка маё», «мой даражэнькі», «мая пяшчотная»... Дзеці з педагогамі падрыхтавалі маленькія сардэчкі з прызнаннямi, якія адрасаваны родным. Спадзяёмся, што сардэчныя словы прыжывуцца ў кожнай сям’і. Нам, дарослым, важна выхаваць у дзяцей перакананне гаварыць шчыра, выражаць удзячнасць бацькам, сябрам і добрым людзям. І тады больш шчаслівых імгненняў будзе ў жыцці кожнага чалавека.

Святлана Нiкiцiна,
загадчык ДУА «Дашкольны цэнтр
развіцця дзіцяці № 3 г. Магілёва»