У дзяржаўнай установе адукацыі «Яслі-сад № 58 г.Магілёва» адкрыўся міні-музей «Беларуская хатка». Увесь калектыў дзіцячага саду прымаў актыўны ўдзел у стварэнні музея, экспанаты збіралі адусюль. Паступова ў гэтую справу падключыліся бацькі. Такім чынам, ва ўстанове дашкольнай адукацыі назапасілася мноства экспанатаў і паўстала неабходнасць у афармленні міні-музея. У выніку атрымалася ўтульная «Беларуская хатка», у якой праводзяцца заняткі па патрыятычнаму выхаванню і далучэнню дзяцей да нацыянальнай культуры Беларусі.

Веды і ўражанні, перажытыя ў дзяцінстве, застаюцца з чалавекам на ўсё жыццё. І таму мы спадзяемся, што наведванне нашага музея пашырыць у выхаванцаў веды аб абрадах і традыцыях, якія захаваліся да нашага часу, аб промыслах беларускіх народных майстроў, выхавае любоў да роднага краю.

Намеснік загадчыка
па асноўнай дзейнасці
ДУА «Яслі-сад № 58 г. Магілёва» Блінкова Таццяна Барысаўна