Ва ўстанове дашкольнай адукацыі “Яслі-сад № 97 г. Магілёва” напрыканцы сакавіка адбылося свята "Саракі". Дзеці акунуліся ў атмасферу старажытных традыцый, пазнаёміліся з праваслаўнымі звычаямі, самі прынялі ўдзел у закліканні вясны. Музычныя кіраўнікі развучвалі з дзецьмі абрадавыя песні, вершы, прыказкі і прымаўкі, знаёмілі іх са старадаўнімі народнымі гульнямі. Дзеці практыкаваліся ў вызначэнні галасоў птушак, рабілі іх з паперы і пластыліну. Падчас забаўкi выхаванцы пазнаёміліся з веснавымі народнымі гульнямі: «Гары, гары ясна», «Ручаёк», «Верабей», «Птушкалоў».

Свята "Саракі" абуджае цікавасць у дзяцей і іх бацькоў да беларускага фальклору, старажытных традыцый, дае добры настрой.

Музычны кіраўнік Алена Уладзіміраўна Новікава