У мэтах прывіцця цікавасці да вывучэння беларускай мовы і нацыянальных традыцый беларускага народа сярод вучняў 4-ых класаў дзяржаўнай установы адукацыі “Сярэдняя школа №6 г. Магілева” прайшла акцыя “Мне выпала шчасце тут нарадзіцца…”.

Пад кіраўніцтвам класных кіраўнікоў Аляхновіч I.М., Крывушкінай С.А. на ўроках па вучэбным прадмеце “Чалавек і свет” дзеці з цікавасцю пазнаёміліся з легендамі аб паходжанні беларусаў. З дапамогай бацькоў склалі апавяданні “Адкуль пайшоў мой род” і пазнаёмілі са сваімі “радаводнымі крыніцамі” аднакласнікаў на ўроках літаратурнага чытання.

У класах прайшлі пазакласныя мерапрыемствы “Размаўляй са мной па беларуску”, “Салома – чараўніца”, “Залатая восень”, “Птушкі і жывёлы роднага краю”, “Гартаем старонкі мудрасці”. Вучні з захапленнем рабілі саламяныя цацкі, актыўна ўдзельнічалі ў практыкуме “Заходзьце да нас у госці”, з цікавасцю рыхтавалі і праводзілі віктарыны “Беларусь – мой родны кут”, “Шыла восень сарафан”, конкурс на лепшы малюнак “Зямля пад белымі крыламі”, прысвечаны году Малой Радзімы.

Заключным мерапрыемствам акцыі стала наведванне гарадскога Цэнтра культуры і вольнага часу з экскурсіяй “Фарбы беларускай хаткі”. У ходзе экскурсіі вучні пазнаёміліся са старажытнымі прадметамі быту, сталі ўдзельнікамі старажытных абрадаў.

Класныя кіраўнікі
Аляхновіч Ірына Міхайлаўна
Крывушкіна Святлана Алегаўна