У дзяржаўнай установе адукацыі “Яслі-сад № 13 г. Магілёва” ужо традыцыйным стала правядзенне сумесных сустрэч  дзяцей і дарослых у дзіцяча-бацькоўскім клубе «Крыніца». Першага лістапада дзеці, бацькі, педагогі ў чарговы раз сабраліся разам ва ўтульнай зале. Назва клуба мае сімвалічнае значэнне: “Крыніца” - сімвал пачатку, чысціні, натхнення. Вось і на гэты раз дзеці і дарослыя гаварылі пра малую Радзіму, размаўлялі на роднай мове, разам гулялі ў беларускія гульні, чыталі вершы, складалі калаж “дзіцячы сад будучыні”. Мы ўпэўнены, што такія шчырыя хвіліны пакінуць след ў сэрцы кожнага на ўсё жыццё.

Ірына Быкава, намеснік загадчыка па асноўнай дзейнасці