Святкаванне Новага года – галоўная тэма ўсіх навін.

Як лепей падрыхтавацца да свята, ведаюць выхаванцы дзіцячага сада №73 г. Магілева.

Вывучыць вершы на роднай мове, карагоды з песнямі і танцамі дапамаглі дзецям выхавальнікі. У музычнай зале каля ёлкі сустракаліся дзеці з казачнымі героямі.
Каб Дзядуля Мароз даведаўся, аб якім падарунку мараць дашкольнікі, была створана  выстава “У чаканні цуда”.

А каб Навагодняе свята прынесла толькі радасць, сёння да дзетак завітала Бабуля Яга.  Яе  трэба было навучыць правілам бяспекі і што рабіць у выпадку, калі неабходна дапамога выратавальнікаў.
Таксама паклапаціліся нашы выхаванцы і пра маленькія падарункі для сваіх бацькоў. Паштоўкі, ёлачкі, цацкі, зробленыя сваімі рукамі, прывучаюць з маленства шанаваць сваю сям’ю і клапаціцца пра тых, хто побач.

Такім чынам дзеткі падрыхтаваліся да навагодняга свята.

 Загадчык: Капёнкіна Т.А.