Дашкольная ўстанова адукацыі "Яслі-сад №104 г.Магілёва" надае вялікую ўвагу выхаванню нацыянальнай самасвядомасці дашкольнікаў, папулярызацыі беларускай мовы і літаратуры сярод педагогаў і бацькоў. У рамках гэтай работы ў дашкольнай установе прайшоў дзіцячы фэст чытальнікаў на тэму "Люблю мой край, старонку гэту...", прысвечаны дзіцячай беларускай літаратуры. 

У выкананні выхаванцаў сярэдніх і старэйшых груп гучалі вершы вядомых паэтаў Я.Коласа, Я.Купалы, М.Багдановіча, Н.Гілевіча і шматлікіх іншых. Моцны эмацыйны водгук у гледачоў выклікаў выступ Платонова Платона з вершам В.Вярбы "Матуліны рукі", Прохарава Ромы з вершам Я.Купалы "Хлопчык і летчык", Ацісленка Каці "Мова маёй Радзімы". Усе ўдзельнікі фэсту былі ўзнагароджаны кнігамі беларускіх народных казак.