Вясну гукаці – зіму праганяці!
Лета чырвонае чакаці!
С такой мэтай прайшло народнае свята “Гуканне вясны” у “Сярэдняй школе №6 г. Магілёва” 13 сакавіка. Педагогі, бацькі і вучні малодшых класаў сабраліся ў фае школы, каб паслухаць аповед бабулі Агап’і аб гісторыі гэтага свята, прыметах, якімі кіраваліся людзі ў мінулым, вызначаючы характар вясеннега і летняга надвор’я, прагназавалі будучы ўраджай.
Спрадвеку беларусы славіліся сваёй працавітасцю, таму захавалася шмат народных прыказак і прымавак аб працы, яе выхаваўчым значэнні.
Добрае веданне прыказак, народных прымет, загадак паказалі малодчыя школьнікі бабцы Агапцы.
Другая частка свята працягвалася на спартыўным стадыёне школы. Кожны клас прайшоў 7 гульняў-эстафет. Сярод іх: “Меткі стралок”, “Пеўні б’юцца”, “Хто хутчэйшы на мятле”, “Мы – вясёлыя рабяты”, “Тры нагі”, “Спячы блін”, “Жмуркі”. Дзеці з ахвотай прымалі ўдзел ў кожным конкурсе, паказвалі спрыт, лоўкасць, узаемавыручку, шчыра падрымлівалі таварышаў.
А якое ж свята без пачастунку? Блін – сімвал сонца (гарачы, круглы) чакаў дзяцей на стале, дзе праводзіўся конкурс “Самы прыгожы блін”.
Падвёўшы вынікі, дзець разам з бацькамі і настаўнікамі завяршылі свята частаваннем ў класе.
У час правядзення конкурснай праграмы на вуліцы стала па-веснавому цёпла, сонечна, бязветрана Усе з добрым настроем, шчыра паклікаўшы вясну, працягвалі навучанне.
Педагог-арганізатар
Лагуціна Л.А.
|