14 сакавіка 2019г. для вучняў 6-х класаў "Сярэдняй школы №6 г. Магілёва" зноў ветліва расчыніла свае дзверы Магілёўская абласная бібліятэка імя У. І. Леніна. Гэтыя сустрэчы сталі традыцыйнымі, бо яны накіраваны не толькі на выхаванне дзяцей, але і выклікаюць цікаўнасць да гісторыі роднага краю, захапленне роднай мовай.

Супрацоўнікі бібліятэкі разам з настаўнікам школы прапанавалі вучням слоўнікавы квэст “Мова родная - сябруй са мной”. 

На працягу ўсяго квэста дзяцей чакалі незвычайныя адкрыцці. Асабліва зацікавілі пытанні: якая птушка дастае ваду са студні? які музычны інструмент нарадзіўся ў лесе? як гатуецца верашчака? хто такі бляхар? і шмат іншых…  

Квэст доўжыўся больш за гадзіну, але дзеці нават не заўважылі гэтага. Здаецца, яны былі гатовыя выконваць новыя заданні, але, як кажуць, гульня, ды не штодня… 

Напрыканцы квэста дзеці сабралі пазл з радкамі з верша, успомнілі яго аўтара. А некаторыя сталі актыўнымі чытачамі і пайшлі з бібліятэкі з кнігамі…