Нашы продкі заўсёды казалі, што хлеб - усяму галава, лічылі яго найважнейшым атрыбутам трапезы.
30 мая навучэнцы 4-х класаў дзяржаўнай установы адукацыі “Сярэдняя школа № 6 г.Магілёва” адправіліся на займальную і пазнавальную экскурсію ў ААТ "Булочная-кандытарская кампанія "Дамачай ".
ААТ "Булочная-кандытарская кампанія "Дамачай" з'яўляецца найбуйнейшым вытворцам хлебабулачных і кандытарскіх вырабаў у горадзе Магілёве і Магілёўскай вобласці. Спачатку экскурсавод паказала відэафільм аб кампаніі, затым дзеці трапілі ў самае «сэрца» вытворчасці - хлебабулачны цэх. Яны з цікавасцю разглядалі велізарныя міксеры і ёмістасці з закваскай, машыны для парцыённай падачы цеста, убачылі ўсе этапы нараджэння хлеба і булачных вырабаў. Дзеці паспрабавалі гарачы, з хрумсткай скарыначкай, чорны хлеб, батоны і разнастайныя мучныя прысмакі.
Пасля наведвання вытворчага цэха гаспадары зладзілі чаяванне з дэгустацыяй смачных кандытарскіх вырабаў.
Захапленне выклікаў майстар-клас па працы з масцікай: навучэнцы зрабілі вырабы і аставілі сабе іх на памяць.
Добрая, смачная і душэўная экскурсія па вытворчасці прыадчыніла галоўны сакрэт хлеба - ён зроблены з душой і любоўю. А за кожнай свежай і духмянай буханкай - каласальная праца цэлага калектыву.
Напрыканцы экскурсіі кожнага навучэнца чакаў прыемны сюрпрыз - пакет з імянным пернікам, печывам і храбусткімі кукурузнымі палачкамі.
Станоўчыя эмоцыі надоўга застануцца ў памяці дзяцей!
Класныя кіраўнікі:
Аляхновіч І.М.
Крывушкіна С.А.
|