8 ліпеня 2019 года ў дзяржаўнай установе дашкольнай адукацыі «Яслі-сад № 13 г. Магілёва» святкавалі Купалле. Фальклорныя святы — гэта адна з магчымасцей дзяцей дакрануцца да культуры і традыцый беларускага народа.

Кароткая звестка аб старажытным абрадавым свяце Купалле накіравала дзяцей на цікавую гульнявую дзейнасць: скакаць праз «вогнішча», як мага вышэй, праявіць смеласць у пошуках «папараці-кветкі», удзельнічаць у абрадзе гадання на лёс — кідання вянкоў у «ваду».

Сонца — герой свята — дакладна растлумачыла, што свята Купалле прысвячалася летняму сонцастаянню, а агонь, які пачытаўся нашымі продкамі, сімвалізаваў Сонца. Далучыцца да абрада ачышчэння цела чалавека дзецям дапамог наступны герой — Вада. Не абышлося на свяце і без нячыстай сілы — Бабы Ягі, якая стварала перашкоды, спрабавала запужаць і заблытаць дзяцей.

Так, у гульнях і абрадах, выхаванцы не толькі развіваюць спрыт, хуткасць, цягавітасць, але і выхоўваюць маральныя якасці, працягваюць традыцыі, далучаюцца да культуры беларускага народа.

Ірына Базуценка,
выхавацель дашкольнай адукацыі