У ДУА “Яслі-сад №64 г. Магилёва” прайшло вясёлае беларускае свята “Запрашаем на кірмаш”. У былыя часы паездка на кірмаш мела для нашых продкаў не толькі практычнае, але і забаўляльнае значэнне. Шырокі і багаты гандаль разгортваўся на плошчах, суправаджаўся вясёлымі гульнямі, выступленнямі артыстаў, і, такім чынам, ператвараўся ў сапраўднае свята. Такім святам стаў і наш “Кірмаш”.

У зале панавала добразычлівая, цёплая атмасфера. Асабліва шчыра гучала родная мова з вуснаў дзетак! Яны выконвалі беларускія песні, прымалі ўдзел у вясёлых беларускіх гульнях, ігралі на народных інструментах, чыталі вершы, танцавалі. 

Свята атрымалася пазнавальным і вельмі эмацыянальным. Такія мерапрыемствы развіваюць дзяцей духоўна і выхоўваюць інтарэс да народных традыцый.

Музычны кіраўнік Алена Эдуардаўна  Біцкая