У 2019/2020 навучальным годзе рэалізуецца рэспубліканскі эксперыментальны праект "Апрабацыя методыкі фарміравання асноў эканамічнай культуры ў дзяцей дашкольнага ўзросту".

Эксперыментальны праект накіраваны на засваенне выхаванцамі ад 3 да 7 гадоў зместу адукацыйных модуляў "Дзіця і грамадства", "Дзіця і прырода", фарміраванне ў іх эканамічна значных якасцяў асобы. Ажыццяўленне праекта садзейнічае выяўленню эфектыўных методык фарміравання асноў эканамічнай культуры ў падрастаючага пакалення ва ўмовах устаноў дашкольнай адукацыі.

У эксперыментальным праекце прымаюць удзел 28 устаноў дашкольнай адукацыі Рэспублікі Беларусь, у тым ліку дзяржаўная установа адукацыі "Яслі-сад № 103 горада Магілёва”, дзе ўжо трэцці год паспяхова рэалізуецца міжнародная праграма “Афлатун”, накіраваная на сацыяльную і фінансавую адукацыю дзяцей дашкольнага ўзросту. 

Праграма “Афлатун” у дашкольнай установе разлічана на дзяцей ад 3 да 7 гадоў. Мэта - развіцце ў выхаванцаў навыкаў, звязаных з фінансамі, авалоданне імі неабходнымі кампетэнцыямі, правіламі і нормамі эканамічна граматных паводзін, удасканаленне арганізацыі адукацыйнага працэсу. Праграма таксама дапамагае мяняць стаўленне выхаванцаў да многіх рэчаў, падахвочваць іх да актыўнага ўдзелу ў розных праектах. Апрабацыя праграмы ажыццяўляецца з выкарыстаннем самых разнастайных методык, праз сюжэтна-ролевыя гульні, спецыяльна-арганізаваную дзейнасць і працоўнае выхаванне.

Комплекс заданняў забяспечвае фарміраванне ў дзяцей эканамічна значных якасцяў (беражлівасць, працавітасць, акуратнасць, эканомнасць, дысцыплінаванасць), патрэбаў (у творчай працы, у дасягненні высокіх вынікаў з найменшымі выдаткамі, у павазе з боку іншых людзей і самапавазе, у зносінах з людзьмі, у захаванні і прымнажэнні прыродных багаццяў); практычнае азнаямленне дашкольнікаў з эканамічнымі паняццямі (неабходныя і неабавязковыя тавары, грошы, сямейны бюджэт і выдаткі сям'і, рэклама,банк).

Выхаванцам і іх бацькам прапаноўваюцца сямейныя заняткі, напрыклад, разам сшыць сямейную коўдру ці пасадзіць дрэва, ці скласці меню, ці зрабіць арыгамі. І дзеці, і дарослыя з вялікай прыхільнасцю успрымаюць гэтыя прапановы, актыўна ўключаюцца ў творчы працэс і задаволены яго вынікамі. Сумесная дзейнаць дапамагае яшчэ больш з’яднаць дзяцей і іх бацькой, а таксама выявіць здольнасці і нават таленты выхаванцаў.

Намеснік загадчыка 

па асноўнай дзейнасці 

Каласоўская М.В.