21 лютага, у Міжнародны дзень роднай мовы, на базе філіяла Нацыянальнага мастацкага музея Рэспублікі Беларусь у Магілёве “Музей В.К.Бялыніцкага–Бірулі” прайшоў заключны этап гарадскога конкурсу чытальнікаў беларускай паэзіі і прозы “Люблю мой край”. Конкурс праводзіўся ў памяць пра мастака Фёдара Сцяфанавіча Кісялёва і быў прымеркаваны да Года малой радзімы і Міжнароднага дня роднай мовы.
Сярод 75 удзельнікаў конкурсу былі ўдзельнікі сярэдняй школы №41. Лобава Дар’я, вучаніца 7 “А” класа, і Емяльянава Варвара, вучаніца 10 класа, прайшлі папярэдні (адборачны) этап і былі запрошаны ў музей В.К.Бялыніцкага–Бірулі, дзе ў прысутнасці журы выканалі творы беларускіх паэтаў.
За ўдзел у конкурсе чытальнікаў беларускай паэзіі і прозы “Люблю мой край” дзяўчаты ўзнагароджаны лістамі падзякі і каталогамі твораў Ф.С.Кісялёва.
А вучаніцы восьмых класаў Ігнаценка Ксенія, Костусева Марына, Лука Марыя, Рэпетуева Дарыя і Філіпава Вікторыя у Міжнародны дзень роднай мовы прынялі ўдзел у мерапрыемствах, арганізаваных ЦГБ імя К.Маркса.
Дзяўчаты пісалі татальную дыктоўку “Прага да ведаў”. Дарэчы, дыктаваў яе таксама настаўнік СШ №41 Цітоў Аляксандр Уладзіміравіч.
Настаўнік беларускай мовы і літаратуры
Л.В.Аўчыннікава
|