У дзяржаўнай установе адукацыі “Яслі-сад № 13 г. Магілёва” стала звычным правядзенне “Тыдня беларускіх традыцый”. У час яго правядзення кожны дзень дзяцей і дарослых чакаюць цікавыя сустрэчы, святы і забавы,  тэмы якіх адпавядаюць беларускім традыцыям: “Матуліна калыханка”, “Беларускія лялькі”, “Стравы беларускія”, “Пагуляем разам” і інш. У  арганізацыі  гэтага тыдня прымаюць удзел усе педагогі ўстановы, дзеці і бацькі выхаванцаў. 

Вольны час, праведзены разам дапамагае не толькі аб’яднаць усіх удзельнікаў агульнай дзейнасцю, але і садзейнічае пашырынню ўяўленняў дзяцей і дарослых аб беларускіх традыцыях, стварэнню спрыяльных умоў для выяўлення і раскрыцця іх  творчага патэнцыялу, дае магчымасць дзецям і дарослым для самавыяўлення і самарэалізацыі праз творчую дзейнасць.

Ірына Быкава, намеснік загадчыка па асноўнай дзейнасці