З кожным днём мароз на вуліцы становіцца ўсё мацней і мацней. Але мы мароза не баімся! Так  чатырнаццатага  студзеня ў яслях-садзе №73 адбылося фальклорнае мерапрыемства “Сустракаем Каляду!”. 

Дзеці сустракалі і частавалі Калядоўшчыкаў: Казу, Чорта, Мядзведзя і Цыганку. Свята праходзіла з вясёлымі прыпеўкамі, пажаданнямі, гульнямі, карагодамі.  Госці праслаўлялі дзяцей і дарослых за шчодрасць, гасціннасць, жадалі здароўя, шчасця і добрага настроя на ўвесь год.

 Усе ўдзельнікі мерапрыемства засталіся задаволенымі, атрымалі станоўчыя эмоцыі і вяселы настрой.

Загадчык Капёнкіна Т.А.