Гуканне вясны — народнае свята, якое адзначаецца з 14 сакавіка і працягваецца да таго часу, пакуль аратыя не выйдуць у поле рыхтаваць глебу пад вясеннія пасевы.
Дзеці разам з бацькамі і выхавацелямі клікалі вясну да сябе, частавалі яе «конікамі», якія выпякалі з цеста разам з матулямі. Дзеля вясны наладжвалі гульні, карагоды, спевы, прасілі сонейка хутчэй сагрэць зямельку.

Ой, вясна-маці,
Хадзі к нам гуляці!
Хадзі к нам гуляці,
Карагод спраўляці!.

І Вясна прыйшла да дзяцей — маладая, вяселая, прыгожая. Прынесла з сабою кветкі, расказала пра вясеннія прыкметы, прыказкі і прымаўкі. На прыканцы дарослыя і дзеці праспявалі гімн вясне.

А.М.Магдзенка, загадчык ДУА
«Яслі-сад № 48 г. Магілева»