У дзяржаўнай установе адукацыі «Яслі-сад № 90 г. Магілёва» заўсёды ўдзяляецца асаблівая ўвага фарміраванню ў выхаванцаў усведамлення сваёй прыналежнасці да краіны, устойлівай цікавасці і станоўчых адносін да беларускай мовы. У разнастайныя мерапрыемствы ўключаецца беларуская мова. 

Кожны чацвер у нашай установе праводзіцца дзень беларускага маўлення. Паспяховаму авалодванню маўленчымі навыкамі дзяцей спрыяюць выкарыстанне на музычных занятках беларускіх гульняў, танцаў, песень, казак, вершаў на беларускай мове. Сістэматычна арганізоўваюцца фальклорныя святы і музычныя забавы, якія выхоўваюць пачуццё любові да роднага краю. У дзяцей узрастае цікавасць да народнай культуры, развіваюцца здольнасці мастацкага ўспрымання, актывізуецца мастацка-творчае развіццё. Разнастайнасць формы работы дапамагае выхаванцам усвядоміць сваю прыналежнасць да беларускай нацыі, прачуць непаўторны каларыт нашай культуры.