Сімвалы краіны- гэта ўмоўныя знакі, вобразы і прадметы, якія выказваюць нацыянальныя асаблівасці, перадаюць гісторыка-культурную спадчыну нашага народа, падкрэсліваюць нацыянальны дух і годнасць грамадзян. У іх захоўваецца памяць продкаў, якія перадалі нам любоў і павагуда Айчыны, веру ў дабро і справядлівасць.

Важна памятаць, што фарміраванне ў дзяцей любові да сваёй Радзімы – адзін з аспектаў патрыятычнага выхавання. Радзіма пачынаецца з любові да зямлі, на якой нарадзіўся і жывеш. Але проста любіць родную зямлю недастаткова, неабходна ведаць гісторыю, культуру, славутасці, запаведныя куткі. У дзіцяці павінна з'явіцца пачуццё нацыянальнага гонару за сваю малую радзіму. Таму нашай галоўнай мэтай з'яўляецца выхаванне грамадзяніна, які любіць і ведае свой горад, край і ўсё, што з імі звязана.