Як не апынуцца ў надзвычайнай сітуацыі, як дзейнічаць у выпадку яе ўзнікнення, як дапамагчы блізкаму, як выбраць бяспечнае месца для гульняў, як і да каго трэба звяртацца за дапамогай у выпадку неабходнасці... Усе гэтыя правілы вывучаюць і паўтараюць выхаванцы дзіцячых садоў на занятках па асновах бяспекі жыццядзейнасці акцыі «Канікулы без дыму і агню!».

Праводзяць такія заняткі не выхавальнікі, а ратавальнікі МНС. Дзеці ў гульнявой форме вывучаюць правілы бяспекі, спаборнічаючы не толькі ў ведах АБЖ, але і ў спрыце.

Паспяхова прайшоўшы выпрабаванні, прапанаваныя Магілёўскімі ратавальнікамі, малыя атрымліваюць і хатняе заданне — вывучыць разам з бацькамі і адказаць на ўсе заданні буклета «Бяспечнае дзяцінства».