Калі выхавацель яслей-сада №73 Андрэева Вольга Мікалаеўна прапанавала дзецям стаць будаўнікамі, яны здзівіліся і спыталі: “А хто такія будаўнікі?”. Цікавасць выхаванцаў трэба падтрымліваць, і мы вырашылі правесці ў дзіцячым садзе Дзень будаўніка, тым больш, што ў жніўні будаўнікі адзначаюць прафесійнае свята.

Падрыхтавацца да мерапрыемства дзецям дапамагалі выхавацелі  Суманава Н.У., Андрэева В.М., Гарбачова В.М., Новікава Н.А., Падголіна К.С., Іванчыкава А.Ф., яны пазнаёмілі выхаванцаў з архітэктурай горада, вершамі і расказамі пра будоўлю .

Маленькія будаўнікі рабілі будынкі з розных матэрыялаў: пяску, паперы, кардону, будаўнічых матэрыялаў, малявалі вуліцы горада на асфальце і на паперы. Дзіцячыя будынкі атрымаліся рознакаляровымі і цікавымі. Дзеці з захапленнем знаёмілі са сваёй працай тат і мам. 

Вось у такой дзейнасці нашы выхаванцы знаёмяцца з беларускай мовай.

Загадчык Капёнкіна Т.А.