21 лютага ва ўсім свеце адзначаецца Міжнародны дзень роднай мовы. Напярэдадні гэтага свята ў дзяржаўнай установе адукацыі «Сярэдняя школа № 41 г.Магілёва» для вучняў 5-7 класаў прайшло пазакласнае мерапрыемства — турнір знаўцаў роднай мовы «Мова родная — наша спадчына і запавет».

Дзве каманды ўдзельнікаў вялі напружаную барацьбу за званне «Знаўцы роднай мовы». Вучні адказвалі на пытанні, удала падбіралі да рускіх слоў беларускія адпаведнікі, праявілі здагадку і кемлівасць пры складанні фразеалагізмаў з частак, хутка расшыфравалі зашыфраваную прыказку, былі экскурсаводамі ў віртуальным музеі народнага побыту.

Пазакласнае мерапрыемства садзейнічала выхаванню ў вучняў нацыянальнай самасвядомасці праз асэнсаванне нацыянальных каштоўнасцей, выхаванню павагі да роднай мовы.

Настаўнік беларускай мовы і літаратуры
Аўчыннікава Ларыса Валер’еўна