21 лютага святкуецца дзень роднай мовы. Увесь тыдзень быў прысвечаны роднай мове. Не выключэннем стаў i шосты школьны дзень дзяржаўнай установы адукацыі «Сярэдняя школа № 38 г.Магілёва».

Для вучняў 5-6 класаў была праведзена гульня-віктарына «На матчынай мове», якая садзейнічала развіццю і замацаванню ведаў па роднай мове і літаратуры.

Для вучняў 7- х класаў — гульня " Паўтараем, на роднай мове размаўляем«. Мерапрыемства садзейнічала развіццю чуйнасці да роднага слова, пашырыла веды школьнікаў пра свой родны край, гісторыю і культуру беларусаў. На дошцы крэйдай намалявана павуцінка, на якой прымацаваны заданні. Прадстаўнікі каманд з задавальненнем выбіралі нумары з заданнямі і выконвалі іх. Больш спадабаліся вучням заданні «Адгадай мелодыю», «Лінгвістычны спрынт» , " Карэктар«, » Спяваем разам". Мерапрыемства садзейнічала выхаванню пачуцця любові да зямлі бацькоў, беларускага краю.

Для вучняў 11-х і 10-х класаў прайшоў літаратурны час"Жывое ў вяках беларускае слова..." У ходзе мерапрыемства вучні пашырылі веды аб паходжанні і асноўных этапах станаўлення сучаснай беларускай літаратурнай мовы, ролі славутых дзеячаў нацыянальнай культуры ў яе развіцці, аб мінулым роднага краю, гістарычнай і культурнай спадчыне.

Праводзіліся экскурсіі у школьным этнаграфічным музеі «Спадчына».

Праведзеныя мерапрыемствы садзейнічалі выхаванню грамадзянскасці, пачуцця патрыятызму, гонару за Радзіму, павагі і любові да роднаймовы.

Намеснік дырэктара па выхаваўчай рабоце
Ніна Міхайлаўна Буланькова