Авалоданне беларускай мовай складае адзін з асноўных элементаў фарміравання асобы дзіцяці, засваення ім нацыянальнай культуры, станаўлення нацыянальнай самасвядомасці.

У дзяржаўнай установе адукацыі «Яслі-сад № 84 г. Магілева» дзейсным сродкам для развіцця мовы дзяцей з’яўляецца творчая тэатралізаваная дзейнасць (імітацыйныя практыкаванні, драматызацыя), якая праводзіцца музычнымі кіраўнікамі ў адзіны дзень беларускай мовы. Казкі, спектаклі, якія паказваюць нашы выхаванцы, з’яўляюцца для іх невычэрпнай крыніцай развіцця пачуццяў і фантазіі, далучаюць да духоўнага багацця роднай краіны.