У дзяржаўнай установе адукацыі "Санаторны дзіцячы сад № 36 г. Магілёва" надаецца вялікае значэнне рабоце па развіццю цікавасці і любові да беларускай мовы. З мэтай далучэння дашкольнікаў да багацця беларускай мовы, і стымулявання да зносін на беларускай мове, штотыдзень па чацвяргах у дашкольнай установе праводзіцца "дзень беларускай мовы". 

Кожны чацвер педагагічным калектывам праводзіцца мэтанакіраваная работа па далучэнні выхаванцаў да культуры, традыцый, асаб­лівасцей быту беларускага народа, выкарыстанні беларус­кай мовы ў паўсядзённым жыцці. Для выхаванцаў ва ўстанове створаны адпаведныя ўмовы: у кожным памяшканні педагагічнымі работнікамі абсталяваны куткі нацыянальнай сімволікі і цэнтры для азнаямлення з беларускай культурай у адпаведнасці з узростам дзяцей. Там размешчаны саламяныя лялькі, скарбонкі, вырабы са льну, гліны, выцінанкі, сурвэт­кі, лялькі ў нацыянальных касцюмах.

З выхаванцамі сярэдняй групы "А" выхавальнік дашкольнай адукацыі правяла цікавыя заняткі па развіццю ў іх уяўленняў аб сімвалах Рэспублікі Беларусь. Вывучаючы герб краіны, усе разам абмеркавалі з якіх элементаў ён складаецца, замацавалі ўяўленні аб значнасці кожнага элемента ў жыцці кожнага беларуса.

Выхавальнік дашкольнай адукацыі Цішкоўская Людміла Францаўна