У сакавіку 2023 года ў дзяржаўнай установе дашкольнай адукацыі “Дзіцячы сад №13 г. Магілёва” прайшлі чарговыя сустрэчы выхаванцаў сярэдніх групп і іх бацькоў, прысвечаныя беларускім народным рухавым гульням. Мэта гэтых мерапрыемстваў - фарміраванне ўстойлівай цікавасці, станоўчых адносін да роднай мовы дзяцей дашкольнага ўзросту і іх бацькоў да беларускіх гульняў, асвета бацькоў у пытаннях правядзення сумеснай гульнявой дзейнасці з выкарыстаннем беларускіх народных і рухавых гульняў.
Рэалізуючы адукацыйны праект “Рухавыя гульні як сродак разнастайнага выхавання дзяцей дашкольнага ўзросту”, хочацца адзначыць, што такія сустрэчы сталі добрай традыцыяй установы дашкольнай адукацыі, месцам, дзе дарослым і дзецям можна весела і карысна правесці час разам і, такім чынам, зберагаць і працягваць традыцыя беларускага народу.
З пакалення ў пакаленне пераходзяць фальклорныя творы, песні і гульні ад бацькоў да дзяцей, ад бабуль і дзядуль да ўнукаў. Іх запамінаюць, запісваюць, зберагаюць і, каб не зніклі зусім, выкарыстоўваюць у сваім жыцці.
Прагляд гульнявога комплекса “Любімыя беларускія гульні” даў магчымасць бацькам убачыць, як весела можна вучыць беларускую мову. Бацькі выхаванцаў прымалі актыўны ўдзел у гульнях, выконвалі галоўныя ролі – Бусла, Зязюлі, разам з дзецьмі называлі прымаўкі і прыказкі пра сям’ю, Радзіму, родны край. А сумесны фотаздымак будзе напамінаць пра тое, што мы, беларусы, самі з’яўляемся носьбітамі культуры і традыцый беларускага народа.
Такмянінава В.І., кіраўнік фізічнага выхавання
![](/images/stories/news/2023/170/1.jpg)
![](/images/stories/news/2023/170/2.jpg)
|