21 лютага адзначаецца Міжнародны дзень роднай мовы. У свеце шмат цудоўных моў. Адны з іх вабяць сваёй прыгажосцю, другія — непаўторнасцю, трэція — мілагучнасцю. Але ў кожнага чалавека ёсць такая мова, якая завецца роднай.

У дзяржаўнай установе адукацыі «Дзіцячы сад № 13 г. Магілева» цэлы быў прысвечаны Міжнароднаму дню роднай мовы. На працягу гэтага тыдня ў дзіцячым садку праводзіліся разнастайныя гульні, конкурсы, забавы, віктарыны, накіраваныя на папулярызацыю беларускай мовы. Выхаванцы знаёміліся з беларускай культурай, побытам і абрадамі нашых продкаў. Штодзень праводзіліся мерапрыемствы з удзелам бацькоў выхаванцаў.
21 лютага раніца пачалася з акцыі «Павітаемся па-беларуску!». Супрацоўнікі, выхаванцы і іх бацькі пачалі свой дзень з усмешкі, таму што кожны маў магчымасць сказаць словы-прывітанні на роднай мове, атрымаў у падарунак прыродны сімвал Беларусі — кветку васілёк, з беларускімі словамі на пялестках.

Запрашаем усіх кожны дзень размаўляць, гутарыць, слухаць, як прыгожа гучыць «мілагучнае, звонкае, спеўнае слова!».

І. У. Быкава,
намеснік загадчыка па асноўнай дзейнасці