Кажуць, што народ жыве да таго часу, пакуль жыве яго культура. 24.04.2026 года ў рамках рэспубліканскага праекту «Кожная пятніца — роднае, сваё» у аддзяленні падтрымкі актыўнага даўгалецця ва ўмовах дзённага знаходжання ЦСАН Кастрычніцкага раёна г. Магілёва адбылася кранальная і натхняльная падзея для грамадзян сталага ўзросту — дзень, прысвечаны глыбокай павазе да беларускіх вытокаў. Праграма ўключала лекцыю «Беларускі касцюм — гісторыя і сучаснасць» і творчы майстар-клас па вырабе нацыянальнага вянка.

Падчас лекцыі ўдзельнікі мерапрыемства здзейснілі сапраўднае падарожжа ў часе. Прысутныя даведаліся, што беларускі строй — гэта не проста адзенне, а цэлая кніга жыцця нашых продкаў. Кожны колер, кожная лінія ў арнаменце мелі свой сэнс: пажаданне багацця, здароўя, росквіту ці абарону ад няшчасцяў.

Працягам сустрэчы стаў майстар-клас па вырабе беларускага вянка. Творчы працэс суправаджаўся ўспамінамі: многія жанчыны з цеплынёй узгадвалі, як у маленстве плялі вянкі на Купалле ці Спас, якія песні спявалі ў іх вёсках. Такія мерапрыемствы — гэта больш, чым проста адпачынак. Гэта магчымасць для людзей залатога ўзросту адчуць сябе патрэбнымі, падзяліцца вопытам і напоўніць жыццё новымі фарбамі.