Традыцыйне свята, прысвечанае падвядзенню спартыўных вынікаў 2014/2015 навучальнага года, адбылося ў дзяржаунай установе адукацыі «Сярэдняя школа № 6 г. Магілёва».
Россыпы медалёў юнакоў і дзяўчат яскрава паказалі здольнасці мясцовых навучэнцаў, якія ўвесь год штурмавалі непакорныя вяршыні.
«Адметнае і тое, што ў гэтым годзе ў нас ёсць шмат вучняў, якія выканалі нарматывы майстра спорта. Добрыя вынікі зараз паказваюць не толькі сталыя спартсмэны са старэйшых класаў, але і маленькія шкаляры», — распявядае дырэктар школы В. І. Кіцікаў.
На ўрачыстым мерапрыемстве былі ўзнагароджаны вучні, якія дасягнулі значных поспехаў у вучобе, навуковай дзейнасці і грамадскім жыцці школы.
Добрай традыцыяй сталі і паказальныя выступленні спартсменаў. Усё робіцца для таго, каб папуліразаваць не толькі асобныя віды спорта ў школе, але і здаровы вобраз жыцця ўвогуле.
«У нас класы інтэгрыраваныя. Гэта значыць, што ў адным класе можа быць пяць, сем відаў спорта. Раней , напрыклад,былі толькі хакейныя, футбольныя, ці толькі класы барацьбы,а на сённяшні дзень мы маем дзевятнаццаць відаў спорта!»- працягвае дырэктар.
Завяршылася мерапрыемства павязваннем ганаровымі гасцямігальштукаў вучням, якія толькі былі прыняты ў школьную піянерскую арганізацыю.
Новы навучальны год абавязкова прынясе новыя перамогі, медалі, кубкі і п’едысталы!
|