Я нарадзіўся беларусам,
Беларусам буду жыць!
Мову родную вучуся
Шанаваць, цаніць, любіць…

Менавіта с такіх радкоў знакамітага ўсім верша 13 снежня ў рамках рэспубліканскай грамадзянска-патрыятычнай акцыі "Сабяры Беларусь у сваім сэрцы" і з мэтай папулярызацыі беларускай мовы на I ступені адукацыі сярод вучняў 4-х класаў дзяржаўнай установы адукацыі “Сярэдняя школа №6 г. Магілёва” пачаўся  класны час “Беларусь – мая Радзіма”.

У ходзе мерапрыемтсва дзеці абнавілі і ўдакладнілі сэнс такіх важных для кожнага беларуса паняццяў як “Радзіма”, “Бацькаўшчына”, “Айчына”, “гісторыя”, “продкі”. Вучні падзяліліся ведамі аб мінулым нашай Радзімы, аб жыцці і занятках нашых продкаў, аб асноўных падзеях у жыцці нашай краіны.

На працягу мерапрыемства дзеці размаўлялі на роднай мове, з цікавасцю збіралі пазлы, аднаўлялі прыказкі і прымаўкі, разгадвалі рэбусы, працавалі з гістарычнымі паняццямі.
У працэсе сумеснай працы навучэнцы актывізавалі слоўнікавы запас, пашырылі веды аб роднай краіне, якая завецца Беларусь.

Мы ўсе ганарымся тым, што нам пашчасціла жыць, вучыцца і працаваць у Беларусі!

Класны кіраўнік 4 “Б” класа
Крывушкіна Святлана Алегаўна