Усім вядома, што гульня – гэта універсальны сродак рознабаковага развіцця дзіцяці. Эфектыўнаму вырашэнню задач выхавання і адукацыі дзяцей дашкольнага ўзросту садзейнічаюць і беларускія народныя гульні.

У дзяржаўнай установе адукацыі “Яслі-сад № 97 г. Магілёва” адбыўся  фізкультурны вольны час з беларускіх народных рухомых гульняў.  Да выхаванцаў сярэдняй групы завітаў Дзед Барадзед (кіраўнік фізічнага выхавання) з чароўным парасонам і прапанаваў з ім пагуляць. Як толькі чароўны парасон узнімаўся, пачыналася новая казка-гульня. Дзеці з задавальненнем пераўвасабляліся ў бабу з дзедам на кірмашы, у лясных звяроў і птушак – вожыка, ліску, дзікіх гусей; скакалі як вавёркі, каталіся з мухай-пяюхай на тачанцы, хаваліся ад Дзеда Барадзеда ў звярыныя норы. Потым з нецярпеннем шукалі схаваны куфэрак з падарункамі, які з задавальненнем панеслі ў группу частавацца, не забыўшы падзякаваць і развітацца з Дзедам Барадзедам. 

 Спалучэнне мастацкага слова, музыкі і рухаў зрабіла мерапрыемства драматызаваным дзеяннем, што выклікала ў выхаванцаў цікавасць да беларускіх народных гульняў,  жаданне пераносіць гульні ў самастойную дзейнасць.

Кіраўнік фізічнага выхавання

Тамара Мікалаеўна Зубарэвіч