У 6«А» класе дзяржаўнай ўстановы адукацыі «Сярэдняя школа №38 г. Магілёва» 20.01.2020г. праведзена гульня-конкурс «Вандроўка па родным краі».

У конкурсе ўдзельнічалі дзве каманды - «Ветразі» (капітан Дзем’яновіч Варвара) і «Вандроўнікі» (капітан Кандыба Анастасія). Каманды адправіліся ў незвычайнае, віртуальнае падарожжа па Беларусі, павандравалі па розных старонках культуры, гісторыі і мовы нашай краіны.

Шасцікласнікі ўзнаўлялі змест прыказак і прымавак, даведаліся, адкуль пайшлі фразеалагізмы «нітка Арыядны», «казёл адпушчэння» і інш. Асабліва цікавымі для вучняў былі заданні «Апрані ляльку» і «Накармі ляльку». «Апраналі» ў розныя віды беларускага народнага адзення і абутку, а «кармілі» беларускімі народнымі стравамі.

Настаўнік

беларускай мовы і літаратуры

Паборцава Г.Г.