У сярэдняй школе №13 г. Магілёва распрацаваны творчы падыход да пытанняў фарміравання патрыятызму і духоўнасці, паважлівага стаўлення да гісторыі роднага краю, любові да беларускай мовы і народнай спадчыны. Штогод усе навучэнцы ўстановы адукацыі прымаюць удзел у фестывалі-конкурсе "Люблю мой край старонку гэту". 

Не стаў выключэннем і гэты год. Вучні чыталі вершы народных паэтаў Беларусі, інсцэніравалі папулярныя беларускія песні, праводзілі даследаванні, прадстаўлялі беларускія абрады, выконвалі беларускія народныя танцы. Беларуская зямля славіцца сваёй багатай старажытнай культурай і народнай творчасцю, і калі звернешся да яе адзін раз, то ўжо не можаш спыніцца.

І. С. Каравацкая, намеснік дырэктара  па выхаваўчай рабоце