4 снежня 2019 года ў дзяржаўнай установе адукацыі “Яслі-сад № 73 г. Магілева” стартавала акцыя “Птушкі - нашы сябры”, з мэтай фарміравання экалагічнай культуры дашкольнікаў.

На занятках дзеці разглядвалі рэпрадукцыі карцін, чыталі вершы і адгадвалі загадкі пра птушак нашага краю, гулялі ў рухомыя гульні.

Выхаванцы разам з бацькамі і выхавацелямі падрыхтавалі корм для птушак, зрабілі кармушкі. Дзеці з захапленнем сачылі за тым, як першыя птушкі адна за другой наведвалі кармушкі. 

Аказаць маленькім пернатым дапамогу у зімовую сцюжу – гэта добрая традыцыя нашай установы. Сумесная задача выхавацелей і бацькоў - навучыць дзяцей берагчы прыроду, ставіцца да жывых істот з адказнасцю і заботай. 

Загадчык дзяржаўнай установы адукацыі “Яслі-сад 

№  73 г.Магілева”     Т.А.Капенкіна